మనసే మన ఆకాశం - మనమే రవి చంద్రులం
ఇటు రేయి అటు పగలు - ఒకటై వెలిగే ప్రేమికులం
చందమామ నువ్వంట - వెన్నెల్లే నువ్వంట
సూరేడి వెచ్చనీ నీరెండె నువ్వంట
నీ మాట అనుకుంటె మాటలే రావంట
మాటల కందని మనిషివి నువ్వంట
మనుషుల కందని మమతే నువ్వంట
నీకు నీ వారుంటె నా కోసం నువ్వంట
ఏ ఏటి ఒడునా ఇల్లేల మనకంట
ఈ ఒంటివానికి నీ జంట ఇల్లంట
ఆ యింట గోరంత దీపమై నేనుంట
గోరంత దీపానికి ఇల్లంత వెలుగంట
కొండంత దేవుడికి కోవేలే నేనంట