పల్లవి:
మనసున మనసై బ్రతుకున బ్రతుకై
మనసున మనసై బ్రతుకున బ్రతుకై
తోడొకరుండిన అదే భాగ్యము అదే స్వర్గము

మనసున మనసై..బ్రతుకున బ్రతుకై
తోడొకరుండిన అదే భాగ్యము అదే స్వర్గము

చరణం: 1
ఆశలు తీరని ఆవేశములో ఆశయాలలో ఆవేదనలో
చీకటి మూసిన ఏకాంతములో 
తోడొకరుండిన అదే భాగ్యము అదే స్వర్గము

సంభాషణలు:
అరె!  ఎప్పుడొచ్చారు?
మీకు తపోభంగము కలిగించామా?
లేదు నా తపస్సుకి మెచ్చీ ఆది దంపతులు ప్రత్యక్షమయ్యారు
మరి ఆపేశావేం పాడు
ఆది దంపతులే అడుగుతుంటే కాదనగలనా
మాధవీ దేవి గారు, మీకు అభ్యంతరం లేకుంటే కాదనకండి
బ్రతిమాలించుకోవాలా! ఊ..

చరణం: 2
నిన్ను నిన్నుగా ప్రేమించుటకు నీ కోసమే కన్నీరు నించుటకు
నిన్ను నిన్నుగా ప్రేమించుటకు నీ కోసమే కన్నీరు నించుటకు
నేనున్నానని నిండుగ పలికే
తోడొకరుండినా అదే భాగ్యము అదే స్వర్గము

చరణం: 3
చెలిమియె కరువై వలపే అరుదై
చెదరిన హృదయమే శిలయైపోగా
నీ వ్యధ తెలిసీ నీడగ నిలిచే

తోడొకరుండినా అదే భాగ్యము అదే స్వర్గము

మనసున మనసై బ్రతుకున బ్రతుకై
తోడొకరుండిన అదే భాగ్యము అదే స్వర్గము