మంచితనానికి తావేలేదు
మనిషి గ మసలే వీలులేదు
మనసుకు మమతకు విలువేలేదు
నీకు తెలుసు నిన్నెందుకు ఆదరించి నానో
నాకు తెలుసు నన్నెందుకు దూరంచేశావో

తెలియనదొకటే మనకు
లోకం విసిరిన బాకు
ఎంత గాయం చేస్తుందో
ఎవరి బ్రతుకు ఏమౌతుందో !

అనుమానానికి అనురాగాన్నే బలిచేశావు
నీకిచ్చిన మనసు ఎంత స్వచ్ఛమో ఎరుగక నిందించావు
నిజమన్నది నిప్పువంటిది
నివురు గప్పి అది వుంటుంది
ఎవరి గుండెలో ఎంత రగులుతుందో
ఏమి మిగులుతుందో !

నాకు తెలుసు ఆప్తులే శత్రువులౌతారని
నీకు తెలుసు సంఘానికి కళ్ళేలేవని
తెలియని దేదీలేదు
తెలిసీ ఫలితం లేదు
మనసుకు మరుపేలేదు.
ఏదీలేని బ్రతుకే చేదు !