మన్మథనామ సంవత్సరం
నా మదిలో పుట్టెను ప్రేమ జ్వరం
పిలిచే సన్నాయిలా వలపే అమ్మాయిలా
నీ కొమ్మకే కోయిలై చేరనా

మన్మథనామ సంవత్సరం
నా మనసే పాడెను నాగ స్వరం
విరిసే ఈ పువ్వులా మెరిసే నీ నవ్వులా
నీ రెమ్మకే తుమ్మెదై చేరనా

అందం చందం గంధాలుగా చల్లనా
నాలో వయ్యారపు లేత ఉయ్యాలలను
నీ కోసమే ఊపనా

మోహం తాళం నీ ముద్దుతో పెంచనా
జారే నీ కొంగున యేరై ఉప్పొంగిన
పరువాలలో తేలనా

చెక్కిళి కవితలు రాశేయి
కౌగిలి తలుపులు తీసేయి
నా తీగలో పువ్వులే రాలగా

మన్మథనామ సంవత్సరం
నా మదిలో పుట్టెను ప్రేమ జ్వరం

క్షేమం లాభం కౌగిల్లలో పొందనా
నీ మేని వొంపుల నీలోని సొంపుల
కవ్వింపులో కాగనా

దేహం ప్రాణం నీ పేర రాసివ్వనా
నీవంటుకోనిది నీవంతుకానిది
నే ఒంటికంటించనా

చెప్పకు చప్పున చేసేయి
తప్పని మాటకు మనసియ్యి
నా గాలి నీ ఊపిరై ఆడగా

మన్మథనామ సంవత్సరం
నా మదిలో పుట్టెను ప్రేమ జ్వరం
విరిసే ఈ పువ్వులా మెరిసే నీ నవ్వులా
నీ కొమ్మకే కోయిలై ఉండనా