పల్లవి:
మారలేదులే యీ కాలం
మారలేదులే యీ లోకం
దీనులకు హీనులకు
తీరలేదులే యీ శోకం ॥ మార ॥

అందరిలో వుండేది ఒకే రకమైనా
అందరినీ సృష్టించింది ఒకే దైవమైనా
కులం పేరుతో మతం ముసుగులో
ప్రాణమున్న మనిషినే సమాధిచేశారే.... ॥ మార ॥

వారే నీవారు.... అనాధలు, అభాగ్యులు
వారే నీ బంధువులు.... బాధితులు, పీడితులు
కంటినీటితోనే తమ కడుపులను నింపుకొనే
అంటరాని వారు .... వారే నీవారు....

ఈ కోవెలలో యిక నీకు చోటు లేదమ్మా !
ఈ లోగిలిలో యిక నిలువనీడ లేదమ్మా !!