మాయదారి సచ్చినోళ్ళూ మా ఎంట పడతారు
మా దగ్గరే ముందో మీది మీది కొస్తారు.
అవునంటే అల్లరి కాదంటే చిల్లరీ,
కిందనుంచి పైదాకా గుచ్చి గుచ్చి చూస్తారు ॥ మాయదారి॥

అక్కాయంటే ఆళ్ళకి కోపం.
బావయ్యంటే యీళ్ళకి కోపం-
అక్కలూ లేక బావలూ లేక -
ఏమై పోవాలి.....? మేమేమై పోవాలి
మా హక్కుల కోసం మాలో ఒకరు మంతిరి కావాలి ॥ మాయదారి ॥

మా రోజులు మారాలి -
ఎందరెందరో మహానుభావులు వెలసిన చరిత్ర మాదండీ...
జగడంలో జగమొండి శిఖండి భీష్ముడి అంతం చూసిందండీ ....
అన్న బృహన్నల కథలేకుంటే నర్తనశాలకు విలువేదండీ ....
అర్ధనారులం మేము వ్యర్థ పురుషులం కాము
సత్వరమే మా రక్షణ కోసం కమీషన్ వెయ్యాలి-
మా సమస్య తీరాలి ॥ మాయదారి ॥