మెరిసే మేఘ మాలికా..
ఉరుములు చాలు చాలిక
చెలితో మాట్లాడనీ..
వలపే పాట పాడనీ..
వలపే పాట పాడనీ
మెరిసే మేఘ మాలికా..
ఉరుములు చాలు చాలిక

కమలాలే నా రమణి నయనాలై విరిసే
అద్దాలే నా చెలియ చెక్కిళ్ళై మెరిసే
ఆ నయనాల కమలాలలోనా..
నా జిలుగు కలలు చూసుకోనీ
ఆ అద్దాల చెక్కిళ్ళోనా..
నా ముద్దులే దాచుకోనీ
మెరిసే మేఘ మాలికా..
ఉరుములు చాలు చాలిక

మధుమాసం చెలి మోవిని దరహాసం చేసే
చలి జాబిలి చెలి మోమున కళలారబోసే
ఆ దరహాస కిరణాలలోనా..
నను కలకాలం కరిగిపోనీ
ఆ కళల పండు వెన్నెలలోనా..
నా వలపులన్ని వెలిగిపోనీ...
.
మెరిసే మేఘ మాలికా..
ఉరుములు చాలు చాలిక