నడిచా నడిచా నీ అడుగుతోనే
ఏడడుగులవ్వాలనీ
వేచా వేచా నీ వేలు కొరకే
ఈ జన్మనివ్వాలని

ఏడేడు లోకాలు మన వెంట రావా
ఈ జంట కనలేదనీ
నే వేడుకోనా నా గుండె గుడిని
నీ తోడు ఎన్నటికీ విడబోననీ

నడిచా నడిచా… నీ అడుగుతోనే
ఏడడుగులవ్వాలనీ
వేచా వేచా… నీ వేలు కొరకే
ఈ జన్మనివ్వాలనీ

నీతోటి గడిపేటి ఈ ఘడియలే
ముమ్మాటికీ మారవే
నన్నంటినా నీటి ఈ గురుతులే
ఏనాటికీ చెరగవే

గోదారి సాక్షాలు… పక్షుల్ల రాగాలు
మన పెళ్లి మంత్రాలుగా
ఇక నిండు నూరేళ్ళు
మన జంట జగతంతా
వర్ధిల్లి తీరాలిగా

వెతికా వెతికా కనులార పతికై
కరుణించి పంపాడుగా
నిలిచా నిలిచా నీరాకకొరకై
నా చెంత చేరావుగా