పల్లవి:
కన్నులు చెదిరే అందాన్నే
వెన్నెల తెరపై చూశానే
కదిలే కాలాన్నే నిమిషం నిలిపేశానే
నన్నిక నీలో విడిచానే
నిన్నలు గాల్లో కలిపానే
ఇపుడే ఇంకోలా నేమళ్ళీ పుట్టానే
నీకురుల కెరటములోన
చూపులిలా మునిగినవేమో
చిక్కానే చెపైనే.. తీగలు లేని ఈ వల్లో
నెమ్మదిగా నువ్వొదిలే నవ్వులగాలాల్లో

|| కన్నులుచెదిరే||

అనుపల్లవి:
నీనుంచి ఓసైగే చాలే
చీకట్లో ఎన్నో వర్గాలే
నీ నుంచి ఓ మాటే చాలే
నాపై పన్నీటి వరాలే

|| కన్నులు చెదిరే||

చరణం: 01
నువ్వొచ్చినా ప్రపంచమౌతుంటే
ప్రపంచమే వెనక్కి పోతుందే
నువిచ్చిన కలల్లో నేనుంటే
వసంతమే తలొంచుకుంటుందే
అడగాలే గాని జీవితమైనా
ఆక్షణమే నీకై రాసిచ్చేయెనా
నీ మౌనం పంపించే
ఈలేఖ బాగుందే... లలనా...

|| కన్నులుచెదిరే||

చరణం: 02
వయస్సులో యెరక్క నేనున్నా
సొగస్సులో ఇరుక్కు పోతున్నా
మనస్సులో నిజంగ నీ పేరే
తపస్సులా స్మరించుకుంటున్నా
ఎదురై నీ రూపం నించుని ఉంటే
ఎగిరెళ్ళి నింగి అంచున ఉంటా
తాకే వీల్లేకున్నా
నిన్నందుకుంటున్నా..... తళుకా ...

|| కన్నులుచెదిరే||

చరణం: 3
మహత్తుకే మహత్తులా ఉందే
గమ్మతుకే గమ్మత్తుగా ఉందే
శరత్తులో సరితులాగుందే
మరింతగా జతైనా ఈ గుండె
నువ్వు నాతో ఉంటే ఈపై జన్మ
కాగితమే లేని పుస్తకమమ్మా
నీ స్నేహం సాయంగా
నా ఊహాలోకాన్నే ... గెలిచా...

|| కన్నులుచెదిరే||

తుండు పల్లవి:
ఎవ్వరు ఎమేమంటున్నా
నివ్వెరబోతూ వింటున్నా
నువ్వే ఆ గొంతె పలికావనుకుంటున్నా
ఇద్దరుగా కనబడుతున్నా
ఒక్కరుగా కనుగొంటున్నా
నువ్వు- నేనంటే మనమయ్యే వైనాన్నే..