పల్లవి:
ఏకో నారాయణా ఏలుకోరా మోహనా
యెన్నెలంటి మగువుంది
యేసుకుంటే మధువుంది
చేసుకోర పారాయణా నవమోహనా మోహనాయనమః

చరణం: 1
లావాదేవీలెన్నో వున్నదాన్ని దేవదేవినై నీతోవుంటాస్వామీ
పులకరింత పెంచుకో- పూజలెన్నో చేసుకో
మతివుంటే మతికీ ఒక కుతివుందని తెలుసుకో
మనసునే మధురగా - మమతలే యమునగా
మలచి నీ కోసమే వలచి వచ్చానురా
పక్కనుంటే శ్రీదేవి - ఎందుకింక దేవదేవి
వేపకాయ తీపాయెనా నవమోహనా

చరణం: 2
అవతారాలెన్నెన్నో ఎత్తినోణ్ణి
సరసం విరసం తెలిసిన సాములోర్ని
ఆరగింపు సేవకు అందముంది నంచుకో
పవ్వళింపు సేవకు పడుచుపువ్వులేరుకో
జై మోహనాయనమః

ముద్దులన్ని మూటగా ముడుపులే కట్టినా
పొద్దు వాలిపోయినా వద్ద చేరవేమిరా
పక్కనుంటె శ్రీదేవి - ఎందుకింక భూదేవి
వేటకాస్త ఆటాయెనా నవమోహనా
జై మోహనాయనమః