నీ చూపులు గారడి చేసెను..
నీ నవ్వులు పూలై పూచెను
ఆ నవ్వులలో.. ఆ చూపులలో..
నిను కవ్వించేవాడెవ్వడో..
నా చూపులు గారడి చేసినా..
నా నవ్వులు పూలై పూచినా..
ఏ ఒక్కరికో అవి దక్కునులే..
ఆ టక్కరి దొంగవు నీవేలే

నీ మోమే ఒక చంద్రబింబం..
దానికి ముచ్చటైన పుట్టుమచ్చ అందం..
నీ మోమే ఒక చంద్రబింబం..
ఆ అందం చూసి.. నీ ముందుకు దూకి..
ఆ అందం చూసి.. నీ ముందుకు దూకి..
ఎందరు యువకులు తొందరపడి
నిన్నెత్తుకుపోతారో.. నేనేమైపోతానో...
అహ..హ...
.
నా చూపులు గారడి చేసినా..
నా నవ్వులు పూలై పూచినా..
ఏ ఒక్కరికో అవి దక్కునులే..
ఆ టక్కరి దొంగవు నీవేలే

మగసిరిగల సొగసైన దొరవు..
అందుకు సరిపడు సిరులెన్నో కలవు...
మగసిరిగల సొగసైన దొరవు..
నీ పక్కన మూగి.. తమ మక్కువ చూపి
నీ పక్కన మూగి.. తమ మక్కువ చూపి
చక్కని పడుచుల..
చెక్కెలి తళుకుల చిక్కుకుపోతావో..
నీ చెలినే మరచేవో..
ఊ..హ..హ..
నీ చూపులు గారడి చేసెను..
నీ నవ్వులు పూలై పూచెను
ఆ నవ్వులలో ఆ చూపులలో..
నిను కవ్వించేవాడెవ్వడో...

చిగురించిన ఈ అనురాగం..
వికసించునులే కలకాలం
చిగురించిన ఈ అనురాగం..
నీ వలపే నేనై.. నా వెలుగే నీవై
కమ్మని మమతల బంగరు మేడల
కలలే కందామా..
కలలే కందామా..
ఆహాహహా.. ఆహాహహా.. ఆహాహహా.. ఆహాహహా..