నీ కళ్ళలో స్నేహము కౌగిళ్ళలో కాలము
పాడేదేరాగమౌనో శ్రీరస్తు అన్న శివరంజని
చివురించి నవ్వే నవరంజని
నీ నవ్వులో అందము నీ జన్మలా బంధము
పాడేదేరాగమైనా శృంగార వీణ శివరంజని
పిలుపందుకున్న ప్రియ రంజని
నువ్వే ప్రాయం ప్రాణం ఓ ఓ ఓ

ఉగాదులు ఉషస్సులు వలపున రాక
పరువమనే బరువు ఇలా బ్రతుకున సాగే
మోడే చిగురించే ప్రణయ కథల్లో
రాలే పూల ఆశల్లోన మధువును నేనై
పిలుపులతో అలిచితిని బదులిక లేక
నీవే జతలేని శిధిల శిలల్లో
ఉంటా వెయ్యేళ్లు చిలిపి కలల్లో

నీ నవ్వులో అందము నీ జన్మలా బంధము
పాడేదేరాగమైనా శృంగార వీణ శివరంజని
పిలుపందుకున్న ప్రియ రంజని

దిగులు పడే దినములతో సొగసులు సాగే
రుచులడిగే వయసులలో ఋతువులలో మారే
నన్నే ప్రశ్నించే హృదయ లయల్లో
పరువముతో పరిచయమే పరుగులు తీసే
చెరి సగమౌ చెలిమినిలా చెరలకు తోసే
ప్రేమ ఖైదీగా ప్రణయ పుటల్లో
ఇంకా ఎన్నాళ్లీ ఇరుకు గదుల్లో

నీ కళ్ళలో స్నేహము కౌగిళ్ళలో కాలము
పాడేదేరాగమౌనో శ్రీరస్తు అన్న శివరంజని
చివురించి నవ్వే నవరంజని
నీ నవ్వులో అందము నీ జన్మలా బంధము
పాడేదేరాగమైనా శృంగార వీణ శివరంజని
పిలుపందుకున్న ప్రియ రంజని
నువ్వే ప్రాయం - ప్రాణం - ఓ - ఓ