నీలో నాలో కదలాడు భావమీరాగం
లోలో ఎదలో వినిపించ సాగే ఓ తాళం

నీలో నాలో… కదలాడు భావమీరాగం
లోలో ఎదలో… వినిపించ సాగే ఓ తాళం

తమకపు తీరాలలో
పెదవుల సయ్యాటలో
తరగని శృంగారమే
తెరిచిన సౌధాలలో

రేపటి కలనే చెలియా కందామా..?
కమ్మని కబురే జతగా విందామా..?

నీలో నాలో కదలాడు భావమీరాగం
లోలో ఎదలో వినిపించ సాగే ఓ తాళం…

కలల జడి నేను… కావేరి నువ్వు
ఓ ప్రణయ తీరం సాకారమే
కువకువల గువ్వ గోరింక లాగా
మనము ఒకటైతే… నవ లోకమే

వేకువై నేనుంటా… నీవెంట ప్రేమ
వెన్నెలై నను చేరి అలరించరావా!
గాలులను ఎదిరించె… కొండవలే నేనుంట
ఒదిగిపో వెచ్చగా
గుండెలో.. (గుండెలో, గుండెలో)

నీలో నాలో కదలాడు భావమీరాగం
లోలో ఎదలో వినిపించ సాగే ఓ తాళం

తనదైన తీరం… పెను దూరమైతే
సుడిలోని నావా సాగేదెలా? ఆ ఆ
వలచి వలపించే ప్రియమైన గీతం
ఎదకు ఎడమైతే నిలిచేదెలా?

వెన్నెలను మింగేసే… మేఘాల మొహం
వేకువను కప్పేసే… మోహాల దాహం
ఉల్కలే ఉప్పెనగా… రాలేటి గగనాన
నవ్వులే పువ్వులై విరియునా
(విరియునా, విరియునా విరియునా)