పల్లవి:
నీటిమీది కాగితాల కావ్యాలెన్నో
ఎద సొదలెన్నెన్నో
రాసినోడు ఎవరు ఏ మూగదేవుడో
అమ్మ రొమ్మునుండి విడదీసినాడురో
వీధిపాలు అయిన మనుజునీ కథరా

నీటిమీది కాగితాల కావ్వాలెనో
ఎద సొదలెన్నెన్నో

చరణం: 1
నీడ లేదులే ఏ గూడు లేదులే
అతుకుల బతుకులో మెతుకు కరువులే
కారు చీకటే నను బాటసారిలా
వెలుగుకే వెలితిగా తరిమివేసెలే
ఏ దారి కానరాక ఏకాకిగా ఉండగా
కొండంత కరుణ చూపి కాపాడిన వేళలో
మంచని, చెడు అని నాకు తెలియదు

నీటిమీది కాగితాల కావ్వాలెనో
ఎద సొదలెన్నెన్నో

చరణం: 2
సొంతమన్నది మనకేది చెప్పరా
వుందని లేదని ఎంత మాయరా
గాలిపటమును ఒక పూల తీగతో
కలిపిన ఫలితమే కన్న తల్లిరా
కన్నంత కడుపు తీపి చూపించిన తండ్రిని
ఏనాడు కానరాని దేవుడితో పోల్చను
చేసిన మేలును మరువలేనురా

నీటిమీది కాగితాల కావ్వాలెనో
ఎద సొదలెన్నెన్నో