పల్లవి:
నీవు విసరకు వల నీకు పండదు కల
అరటి చెట్టుకు గెల పండితేనే కళ
పాల పిట్టా ఈల పాడుకోవాల
ముచ్చట్లే మొదలు పెట్టుకోవాల
పండు చేతి కందగానే పట్టెమంచ మేసినట్టు
పలవరింత మొదలా

చరణం: 1
అందంలో మందారం అరవిచ్చే సాయంత్రం
కురిసింది చలిగా వెన్నెలా
తనువిచ్చే తాంబూలం పండించే శృంగారం
అడిగింది ఎదలో కోయిలా
ఊహల్లో తొలి ఉయ్యాలా
ఊపింది నన్నీవేళ
చీరకట్టు చూడగానే చిలిపి వయసు
తొలి సలపరింత సెగలా

చరణం: 2
గాజుల్లో సంగీతం మోజుల్లో సావాసం
పలికింది కసిగా మద్దెలా
నడుముల్లో తారంగం నడిచొచ్చే వయ్యారం
వణికింది ఒడిలో వీణలా
రగిలేటి చలిరాగాలా
రేపేటి తడి తాళాలా
కంటి రెప్ప కొట్టగానే కలికి సొగసు
ఒడి చేరి పొడుపు కథలా