పల్లవి:
నెలలు నిండినట్టు
బతుకు పండినట్టు
కానిచోట కాశావు వెన్నెలా
కారడవుల కాశావు వెన్నెలా
ఎవరికొరకు కాశావే వెన్నెలా
ఆడవి కాసినా వెన్నెలా....
ఓ వెన్నెలా... వెన్నెలా...

చరణం: 1
ఏ గుడిలో చేరుటకో
జడలో ముగియిటకో
పువ్వులు పూస్తాయి ఆశగ చూస్తాయి
ఏ తుఫాను రక్కసికో ఏ పిశాచి చేతులకో
బలియై పోతాయి అవి నేలరాలి పోతాయి
ఎవరికొరకు పూశాయె పువ్వులు
చచ్చి బతుకుతున్న యీ శవాలు
ఓ వెన్నెలా... వెన్నెలా...

చరణం: 2
ప్రేమికులను పిలుచుటకో
ఏ ప్రియులను కలుపుటకో
పున్నమి వస్తుంది వెన్నెల కాస్తుంది
ఏ మబ్బుల దప్పికకో ఏ గ్రహణపు ఆకలికో
ఆహుతి అవుతుంది కధ ముగించుకొని పోతుంది
ఎవరికొరకు కాసిందో వెన్నెలా....
అమవాసయి పోతుంది కడకిలా
ఓ వెన్నెలా... వెన్నెలా...