నిదురించే తోటలోకి పాట ఒకటి వచ్చింది 
కన్నుల్లో నీరు తుడిచి కమ్మటి కల ఇచ్చింది
నిదురించే తోటలోకి పాట ఒకటి వచ్చింది 
కన్నుల్లో నీరు తుడిచి కమ్మటి కల ఇచ్చింది

చరణం: 1 
రమ్యంగా కుటీరాన రంగవల్లులల్లింది 
దీనురాలి గూటిలోన దీపంగా వెలిగింది
రమ్యంగా కుటీరాన రంగవల్లులల్లింది 
దీనురాలి గూటిలోన దీపంగా వెలిగింది
శూన్యమైన వేణువులో
ఒక స్వరం కలిపి నిలిపింది
శూన్యమైన వేణువులో
ఒక స్వరం కలిపి నిలిపింది
ఆకురాలు అడవికి ఒక ఆమని దయ చేసింది

నిదురించే తోటలోకి పాట ఒకటి వచ్చింది 
కన్నుల్లో నీరు తుడిచి కమ్మటి కల ఇచ్చింది

చరణం: 2 
విఫలమైన నా కోర్కెలు వేలాడే గుమ్మంలో 
ఆశల అడుగులు వినబడి అంతలో పోయాయి
విఫలమైన నా కోర్కెలు వేలాడే గుమ్మంలో 
ఆశల అడుగులు వినబడి అంతలో పోయాయి
కొమ్మల్లో పక్షుల్లారా గగనంలో మబ్బుల్లారా 
నది దోచుకుపోతున్న నావను ఆపండి
రేవు బావురుమంటోందని నావకు చెప్పండి
నావకు చెప్పండి...