నిండు అమాసా - నిశిరేతిరికడ
ఎక్కడి కెళ్తావు మామో - నువ్వేమైపోతావు మామో
ఎటు బోతేనేం – ఏమయితేనేం
వెంట బడకు ఓ భామో - నన్నేడిపించకో భామో

కళ్ళలో కారం గొట్టి పోతివా !
కంతిరి జేసి దాటి పోతివా
కాలికి మెడకు కట్టేస్తానోయ్
నెత్తిన రెండూ మొట్టేస్తానోయ్
చూపులు చూస్తే ఊపుగ వున్నాయి.
మాటలు చూస్తే జోరుగ వున్నాయి.
పోచుకోలుగా తలచేవేమో
మీసమున్న మగ ధీరుడ నేనే

జెట్టా పట్టా జానెడు లేపూ - ఉల్లిపాయవలె ఎగిరిపడేవూ
ఉల్లిపాయలో వున్నది కారం
ఎరుగపు ఏమో నా వ్యవహారం
గడప దాటినుపు కాలు బెడితివా
ఒళ్ళు సాపుగా ఊపేస్తాన్
గ్రహపాటున నే నిక్కడికొస్తే
కదలనీయదూ యీ సైతాన్