నిర్మల సురగంగా జల మంజుల స్వర్ణకమలమో
క్షీర సాగర సమానీత సుధాపూర్ణ కలశమో ఆ...
ఒక దేవత ప్రేమ దేవత - పోతపోసిన అనురాగమో
ఏ పూర్వజన్మల ప్రణయరమ్య కసయోగమో
ఒక దేవత ప్రేమ దేవత
ఎదలో సూటిగా పదునుగ నాటిన మదన బాణమో
సద పదమున మధు మధురిమలొలికిన రసోన్మాదమో ?
ఒక దేవత ప్రేమ దేవత
రసికత దాచిన శృంగార మో
ఆ రతీదేవి ధరియించిన తొలి అవతారమో
ఒక దేవత ప్రేమ దేవత ఆ...ఆ...
హృదయమే సుమహారముగా అర్పించినా
జీవితమే కర్పూరముగా వెలిగించినా
ఆరాధన మాటున దాగిన ఆవేదన ఎలా తెలుపను
మనసులోన రగిలే కలతలు మాటలతో ఎలా చెప్పను
ఆరాధన ఒక నటన ఆవేదన ఒక నటన
రసయోగం ఒక నటన ఆ అనురాగం ఒక నటన
అది నటనయని వంచనయని తెలిపెనులే
ఇక ఆ దేవత ఆ గుడిలో నిలవదులే
కోరుకున్న కోవెలలో చేరునులే
సరికొత పూజలంది తీరునులే

స్వార్ధం ఎరుగదు ప్రేమ-పరమార్ధం మరువదు ప్రేమ
ఆ ప్రేమకు రెండె అక్షరాలు అవి గగనాలు సాగరాలు
అవి అందుకోలేరు కాముకులు అవి పొందుకోలేరు పంచకులు
ఆ దేవత ప్రేమ దేవత
మదిలో వెలసిన మాధవుడే ఎరులై నిలిచిన రాఘవుడే
ప్రియ విభుడు నా ప్రియ విభుడు