ఓ జాబిలీ... వెన్నెల ఆకాశం ఉన్నదే నీకోసం
ఎదురు చూసింది నిదుర కాచింది కలువ నీకోసమే
వెలుగువై రావోయి వెలుతురే తేవోయి
ఓ జాబిలీ వెన్నెల ఆకాశం ఉన్నదే నీకోసం
జుమ్ జుమ్ జుమ్.. జుమ్ జుమ్ జుమ్..

కదలిపోయే కాలమంతా నిన్ను నన్ను
నిలిచి చూసే
కలలు కన్న కౌగిలింత వలపు తీపి వలలు వేసే
భ్రమర నాదాలు ఉ ఉ ఉ
భ్రమర నాదాలు.. ప్రేమ గీతాలై పరిమళించేనోయి
పున్నమై రావోయి.. నా పున్నెమే నీవోయి
ఓ జాబిలీ వెన్నెల ఆకాశం ఉన్నదే నీకోసం
జుమ్ జుమ్ జుమ్.. జుమ్ జుమ్ జుమ్..
జుమ్ జుమ్ జుమ్

నవ్వులన్ని పువ్వులైన నా వసంతం
నీకు సొంతం
పెదవి దాటి ఎదను మీటే..
ప్రేమ బంధం నాకు సొంతం
ఇన్ని రాగాలు.. ఉ ఉ ఉ
ఇన్ని రాగాలు నీకు అందించే రాగమే నేనోయి
అనురాగమే నీవోయి.. అనురాగమే నీవోయి
ఓ జాబిలీ వెన్నెల ఆకాశం ఉన్నదే నీకోసం