ఓ మనసు దోచిన చెలికాడా
మమత పెంచిన చినవాడ
ఎన్ని జన్మల పుణ్యఫలమో
నిన్ను నన్నూ కలిపితే

ఓ చిలిపి నవ్వుల చిలకమ్మా
వన్నె చిన్నెల చిన్నమ్మా
నీకు నా పై ఇంత ప్రేమ
ఎందుకోసమొ చెప్పవా

చందమామ చెలిమి కోడను
కలువభామ ఎందుకోసం?
గోరువంకను రామచిలుక
కోరుకుంది ఎందుకోసం
మనలోని అనురాగం
పెనవేసింది అందుకే

వలపుకోరీ కన్న వారికి
దూరమైన చిన్నదానా
నీవు నన్ను వలచినపుడే
జీవితంలో పూలవాన
నీమనసే నాదైతే
లేనిది ఏదీ లేదులే