ఓ ప్రియా నీకోసం నేను వస్తున్నా
ఓ సఖి నీకోసం వేచి చూస్తున్నా
ఓ ప్రియా నీకోసం నేను వస్తున్నా
ఓ సఖి నీకోసం వేచి చూస్తున్నా
మనసులోని మాటలన్నీ మల్లెపూల
మాలగట్టి నీకు అందజేస్తున్నా
మాసిపోని మమతలన్ని నీకు సొంతమేలె
అంటూ ఒట్టు వేసి చెబుతున్నా
నీకు సొంతమౌతా అంది మౌనరాగం
ప్రాణమల్లే చూస్తా అంది ప్రేమ గీతం

ఓ ప్రియా నీకోసం నేను వస్తున్నా

చరణం: 1
గాలిపాలయేటి మల్లె జన్మ
ఈ ఆలయాన వచ్చి వాలెనమ్మా
దేవలోక పారిజాతమమ్మా
ఈ సౌరభాల సారె తెచ్చెనమ్మా
నల్ల మబ్బు చాటునున్న మెరుపైనా
చల్లగాలి తాకకుంటే కదిలేనా
వరమై రావే ఇలా మెరిసే లావణ్యమా
రుణమే తిరేదెలా పిలిచే నా పుణ్యమా
మళ్ళి మళ్ళి పుట్టుకొచ్చి ఆ రుణాన్ని
పట్టుకొచ్చి చెల్లించు కౌగిళ్లలో

ఓ ప్రియా నీకోసం నేను వస్తున్నా
ఓ సఖి నీకోసం వేచి చూస్తున్నా

చరణం: 2
నింగిలోని వాన విల్లువేనా
నా ముంగిలంత ముగ్గులైన దానా
పొంగుతున్న గంగవెల్లువైనా
ఈ శంకరయ్యా శిరసు చేరుకుందా
కొంగువెంట లాగుతుంటే నెరజాణ
జింకలాగా మారిపోదా సింగమైన
సిగలో మందారమై ఉండిపో సావాసమా
ఒడిలో చల్లారవే రగిలే సౌందర్యమా
కంటి చాటు కెంపు ఛాయా
కుంకుమల్లే మారేనయ్యా నూరేళ్ళ నీ నీడలో

ఓ ప్రియా నీకోసం నేను వస్తున్నా
ఓ సఖి నీకోసం వేచి చూస్తున్నా
మనసులోని మాటలన్నీ మల్లెపూల
మాలగట్టి నీకు అందజేస్తున్నా
మాసిపోని మమతలన్ని నీకు సొంతమేలె
అంటూ ఒట్టు వేసి చెబుతున్నా
నీకు సొంతమౌతా అంది మౌనరాగం
ప్రాణమల్లే చూస్తా అంది ప్రేమ గీతం