పల్లవి:
ఒక చిన్నమాట ప్రియతమా మనసైన మాట తెలుపుమా
ఒకసారి చిత్తగించు నాదు ప్రేమలేఖని
ఇవి పాడలేని ప్రేమ పాట మూగ పలకరింతలు
ఎద నోరు విప్పి చెప్పలేని కన్నెపూల బాసలు

ఒక చిన్నమాట ప్రియతమా ఒడి కోరుకున్న హృదయమా
అరచేతిలోన చూపు నాకు ప్రేమరేఖనీ...
ఇవి జంకు బొంకు లేని ప్రేమ లింకు సంకురాత్రులు
నును లేత బుగ్గ కందగానే జరుగు జంట శాంతులు

చరణం: 1
జమలు పడ్డ వయసుమీద సొగసులెక్క చూడనా
చిలిపి లిప్పు వలపు అప్పు కలిపి నేను తీర్చనా
వలపునింక అదుపు చేసి పొదుపు చేస్తే మెచ్చనా
తలుపు చాటు చిలిపి కాటు పడితే నిన్ను గిచ్చనా
కౌగిళ్లు లవ్ గిల్లు క్యాషు చేసి చూడనా
చెక్కిళ్ళ చెక్కుల్లో క్రాసు చేసి ఇవ్వనా
ఒక పసిడి వనిత రజిత కమల నిలిచె కనుల ఎదుట
ఇక గనక గుళిక విసరమనక మనకు పవరుబరువై

చరణం: 2
పడుచు సోకు ఉడకబోత మెడల దాకా ఎక్కినా
తలుపు నేను తెరవలేను వలపు గాలిగా
నడుములేని నడకలోని తడుపు ఎంత చూసినా
తడమలేను తొడిమనింత తొలకరింతగా
ఎన్నెల్లో ఎండల్లే మనసు మంట పెట్టనా
కనుల్లో గుండెల్నే కలలు గంట కొట్టినా
ఇది ఒకరికొకరు దొరికి ఇరికి చెవులు కొరుకు వయసు
ఇది మెలిక పడిన మెరుపు చెలికి నాలుగులిడిన వెలుగే

ఒక చిన్నమాట ప్రియతమా మనసైన మాట తెలుపుమా
ఒకసారి చిత్తగించు నాదు ప్రేమలేఖని
ఇవి పాడలేని ప్రేమ పాట మూగ పలకరింతలు
నును లేత బుగ్గ కందగానే జరుగు జంట శాంతులు
లల...లలల...లల...