పాడనా తెలుగు పాట
పాడనా తెలుగు పాట
పరవశమై మీ ఎదుట..మీ పాట
పాడనా తెలుగు పాట

కోవెల గంటల గణ గణలో గోదావరి తరగల గలగలలో (2)
మావులు తోపుల మూపులుపైన మసలే గాలుల గుసగుసలో
మంచి ముత్యాలపేట.. మధురామృతాల తేట

ఒక పాట..పాడనా తెనుగు పాట
పరవశమై..నే పరవశమై.. మీ ఎదుట..మీ పాట

త్యాగయ్య..క్షేత్రయ్య..రామదాసులు
త్యాగయ్య..క్షేత్రయ్య..రామదాసులు

తనివితీర వినిపించినది
నాడునాడులా కదిలించేది
వాడ వాడలా కరిగించేది
చక్కెర మాటల మూట
చిక్కని తేనెల ఊట

ఒక పాట..పాడనా తెలుగు పాట

ఒళ్ళంత ఒయ్యారి కోక..కళ్ళకు కాటుక రేఖ
ఒళ్ళంత ఒయ్యారి కోక..కళ్ళకు కాటుక రేఖ

మెళ్ళో తాళి..కాళ్ళకు పారాణి..
మెరిసే కుంకుమ బొట్టు
ఘల్లు ఘల్లున కడియాలందెలు
అల్ల నల్లన నడయాడే
తెలుగు తల్లి పెట్టని కోట..
తెలుగు నాట ప్రతిచోట

ఒక పాట..పాడనా తెలుగు పాట