పల్లవి:
ఆడవాళ్ళమండి మేము
మీ రెండు కళ్ళమండి మేము (2)
కూరే మీరైతే ఉప్పే మేమండి
ఇదిగో..
కాఫీ మీరైతే కప్పే మేమండి
పట్టాలు లేకపోతే ఏ రైలు లేదండీ
పెళ్ళాలు లేకపోతే మగవాళ్ల బండి నడవదులెండి

ఆడవాళ్ళమండి మేము
మీ రెండు కళ్ళమండి మేము (2)

చరణం: 1
ఆ... అందమున్నది మాకు ఆర్ట్ ఉన్నది
ఆట లోన స్టేఫిగ్రాఫ్ పాటలోన సబ్బలక్ష్మి ఆడజాతి మచ్చుతునకలే
శెభాష్..
బ్యాట్ పట్టిన బాక్సింగ్ చేసినా
ఎంత పెద్ద లేడీకైన తల్లకిందులైనా గానీ మొలవదమ్మ మూతి మీసమే
ఇండియా ను ఇందిరమ్మ ఎలలేదా ఆ లంక లోన చంద్రికమ్మ అడదేదా
పల్లె నుండి ఢిల్లీ దాకా ఎక్కడైనా భార్య కట్టుకున్న భర్త ముందు బానిసేగా
IPC చెట్ట ప్రకారం ఆడ మగలు ఒకటేనండి

ఆడవాళ్ళమండి మేము
మీ రెండు కళ్ళమండి మేము (2)

చరణం: 2
ఆ... తాళి కట్టగా తైతక్క లాడగ
వేలకొద్ది కట్నమిచ్చి సంతలోన తెచ్చుకున్న కీలుబొమ్మలండి మీరు
అదీ..
అత్తమామలే మా కాలు పట్టగా అరె పాపమంటు జాలి తలచి కన్యాదాన మందుకున్న పుణ్యపురుషలండిమేము
మూడు కళ్ళ దేవుడైన శివుడు కూడా
తాను ఆడదాన్ని నెత్తి మీద మోయాలేదా
బోలెడంత సంపదున్న లక్ష్మీ కూడా తాను భక్తి కొద్ది భర్త కాళ్ళు నొక్కలేదా
మాతోటి గొడవే పడితే పడకింటిలోన పస్తేనండి

ఆడవాళ్ళమండి మేము
మీ రెండు కళ్ళమండి మేము (2)
కూరే మీరైతే ఉప్పే మేమండి
కాఫీ మీరైతే కప్పే మేమండి
పట్టాలు లేకపోతే ఏ రైలు లేదండీ
పెళ్ళాలు లేకపోతే మగవాళ్ల బండి నడవదులెండి

ఆడవాళ్ళమండి మేము
మీ రెండు కళ్ళమండి మేము (2)