ఒకటా రెండా, మూడా ఓరి దేముడో
నా వల్ల కాదు కాదురో ఓరి నాయనో
కళ్ళు తిరిగిపోతున్నయ్ కాళ్ళు ఒణికిపోతున్నయ్
తియ్యలేను గుంజీలు తిప్పలు పెట్టకురో .....

ఒకటి రెండూ మూడూ తియ్యు గుంజీలు
వల్లకాదు కాదంటే చెల్లదమ్మడూ
కళ్ళు తిరిగిపోతున్నా కాళ్ళు వణికిపోతున్నా
తియ్యాలి గుంజీలు తిమ్మిరి అణిగేదాకా-

మబ్బులేని మెరుపల్లె ఎవ్వడు రమ్మన్నాడు
మల్లెపూల జల్లులో తడిపేసి పొమ్మన్నాడు
అందుకే వేస్తున్న అందమైన శిక్ష
తీర్చుకుంటున్నా తియ్య తియ్యగా కక్ష
ఏమిటీ పరీక్షా...

చలిగాలి వడదెబ్బ ఎవ్వరు తియ్యమన్నారు
సూది మెరుపంటి చూపుల్తో చురకేసి పొమ్మన్నాడు
వయసొచ్చి చేసింది వలపన్న నేరం
కౌగిట్లో ఖైది చేశెయ్ నను జీవితాంతం
అయ్యో పాపం...