పల్లవి:
పదరా ! పదరా!
నడుంకట్టి పిడికిలెత్తి పదరా
నవ విప్లవ శంఖమూది పదరా
పడగెత్తే స్వార్థపరుల
అడుగడున తరిమికొట్టి పదరా
మంచిరోజు లొచ్చాయి పదరా

చరణం: 1
కలిగినోళ్ళ జులుములింక సాగవురా !
వాళ్ళ దోపిడీలు, దురంతాలు చెల్లవురా
కార్మికులు - కర్షకులు, పీడితులు, తాడితులు
సంకెళ్ళను తెంచుకు సాగాలిరా
మంచిరోజు లొచ్చాయి పదరా

చరణం: 2
ఒళ్ళువంచి పని చేయని వాళ్లు !
పరుల నోళ్ళు కొట్టి బతికే గొప్పోళ్ళు
పెట్టెలో దాచుకున్న పుట్టెడు ధన రాసులను
పదుగురికి పంచుదాము పదరా
సమభావం పెంచుదాము పదరా
మంచిరోజు లొచ్చాయి పదరా