సీ॥
క్షీరాబ్ధిపై తేలు - శ్రీహరి పానుపు
ఒరిగినా ఒక ప్రక్క కొరుగుగాక
వేదాలు వల్లించు విశ్వకర్త ముఖాలు
నాలుగు మూడైన అగునుగాక
పరమేశ్వరుని దివ్య ప్రళయతాండవమందు
తాళము తప్పిన తప్పుగాక
చదువుల గీర్వాణీ మృదుకరాంచిత వీణ
పలికినా అపశృతుల్ పలుకుగాక

గీ॥
సకల లోకాల ధర్మశాసనము నమలు
చేసి విధి వ్రాయు - ఆయువు చెల్లగానే
వేళ తప్పక ప్రాణాలు వెలికిదీసి
మోసికొని పోవుచుండు యముండ - అబలా