పాలరాతి మందిరాన
పడతిబోమ్మ అందం
అనురాగ గీతిలోన
అచ్చ తెలుగు అందం
పాలరాతి మందిరాన
పడతిబోమ్మ అందం...

1
రతనాల కోట ఉంది
రాచకన్నె లేదు
రంగైన తోట ఉంది
రామచిలుక లేదు
ఆ రాచ కన్నెవు నీవై
అలరిస్తే అందం
నా రామచిలుకవు నీవై
నవ్వితే అందం
పాలరాతి మందిరానా
పడతిబోమ్మ అందం...
పాలరాతి మందిరానా
పడతిబోమ్మ అందం...

2
కన్నెమనసు ఏనాడూ
సన్నజాజి తీగ...
తోడు లేని మరునాడూ..
వాడి పోవు కాదా
ఆ తీగకు పందిరి నీవై
అందుకుంటే అందం...
ఆ కన్నెకు తోడుగ నిలిచి
అల్లుకుంటే అందం...
పాలరాతి మందిరాన
పడతిబోమ్మ అందం
అనురాగ గీతిలోన
అచ్చ తెలుగు అందం
పాలరాతి మందిరాన
పడతిబోమ్మ అందం...

3
నీ సోగకన్నుల పైనా
బాస చేసినాను
నిండు మనసు కోవెలలోనా
నిన్ను దాచినాను...
ఇరువురిని ఏకం చేసే
ఈ రాగబంధం ...
ఎన్నెన్ని జన్మలకైనా
చెరిగి పోని అందం...
చెలుని వలపు నింపుకున్న
చెలియ బ్రతుకు అందం...
అనురాగ గీతిలోనా
అచ్చ తెలుగు అందం..
లా.ల.లా..ల
పాలరాతి మందిరాన
పడతిబోమ్మ అందం...