దురో: సీ॥
ఏక చక్రపురాన యెగ్గు సిగ్గులు మాని
తిరిపెమెత్తిననాడె తెల్లమాయె

భీమ: తిరిపెమెత్తుటెగాదు తిగిచి జరాసందు
మట్టిజేసిన జగజెట్టి నేను

దుర్యో: మాధవు మాయతో మగధేశు కూల్చిన
జయమెంచి జబ్బులు చరచుకొనకు

భీమ: గంధర్వపతి పాశబంధమ్ము విప్పి నీ
పరువుగాచినమాట మరచినావె

దుర్యో: హా! మరుతునే కులసతి నవమానపరుప
మౌన మూనిన నాటి నీ మగతనంబు

భీమ: ఆ! ధర్మ నిరతి నశక్తిగా తలచునీదు
కనుల పొరలు మాపెదను ఈక్షణమె తులువ