పుత్తడిబొమ్మా - పూర్ణమ్మ
మేలిమి బంగరు మెలతల్లారా !

కలవల కన్నుల కన్నెల్లారా!
తల్లులగన్నా పిల్లల్లారా !
విన్నారమ్మా యీ కథను !
కొండలనడుమను కోనొకటుంది
కోనకినడుమా కొలనొకటుంది

కొలనిగట్టున కోవెలలోపల
వెలసెను బంగరు దుర్గమ్మ

పూజారింటను పుట్టెను చిన్నది
పుత్తడిబొమ్మా పూర్ణమ్మ
అన్నల తమ్ముల కనుగై దుర్గకు
పూజకు పువ్వులు కోసేది
ఏయేవేళల పూసే పువ్వుల
ఆయావేళల అందించి
బంగరు దుర్గను భక్తితో కొలిచెను
పుత్తడిబొమ్మా పూర్ణమ్మ

వచనం : అందాల చందమామలా గుణాలకి రత్నాల రాశిలా, నలుగురి కన్నుల్లో కనుపాపై - నట్టింట దీపమై వెలుగుతున్న పూర్ణమ్మను - అప్పుడేంచేసారయ్యా అంటే

కాసుకులోనై తల్లి దండ్రి
నెనరూ న్యాయం విడనాడి
పుత్తడిబొమ్మను పూర్ణమ్మను వొక
ముదుసలి మొగుడుకు ముడివేస్ట్రీ
||పుత్తడిబొమ్మ||

ముద్దునగవులూ మురిపెంబు మరి
పెనిమిటిగాంచిన నిమిషమున

బాసెను కన్నియముఖ కమలమ్మును
కన్నుల గ్రమ్మెను కన్నీరు.
ఆటలపాటలతోటి కన్నియలు
మొగుడు తాతయని కేలించ
ఆటలపాటల కలియక పూర్ణమ
దుర్గనుచేరి దుఃఖించె !

వచనం : తల్లిదండ్రులు గట్టిన గుదితాడు విప్పడానికి వశమా ? తప్పడానికి వశమా ? గొల్లుగొల్లున ఏడ్చింది?
గుండె రాయిజేసుకొని ఓర్చింది.
పుత్తడిబొమ్మా - పూర్ణమ్మ

కొన్నాళ్లకు పతి కొనిపోవచ్చెను
పుత్తడి బొమ్మను పూర్ణమను
చీరలు సొమ్ములు చాలగ దెచ్చెను.
పుత్తడిబొమ్మను పూర్ణమను

అపుడేం చేసిందయ్యా అంటే

పెద్దలకప్పుడు మొక్కెను పూర్ణమ్మ
తల్లి దండ్రి దీవించి
దీవనవింటూ పక్కున నవ్వెను
పుత్తడిబొమ్మా పూర్ణమ్మ

10 చిన్నలనందరి కౌగిట జేర్చుకు
కంటను బెట్టెను కన్నీరు
అన్నల దముల నప్పుడు పలికెను
పుత్తడిబొమ్మా పూర్ణమ్మ

11 అన్నల్లారా! తమ్ముల్లారా
అమ్మను అయ్యను కానండి
బంగరుదుర్గను భక్తితో కొల
వండమ్మలకమ్మా దుర్గమ్మ

12 నలుగురుకూచుని నవ్వేవేళల
నాపేరొకతరి తలవండి
మీ మీ కన్నబిడ్డల నొకతెకు
ప్రేమను నా పేరివ్వండి

13 బలబల కన్నుల కన్నీరొలికెను
పుత్తడిబొమ్మకు పూర్ణమకు
కన్నులు తుడుచుకు కలకలనవ్వెను
పుత్తడిబొమ్మ! పూర్ణమ్మ

14 వగచిరి వదినలు వగచిరి తమ్ములు
తల్లియుకంటను తడిబెటెన్
కాసుకులోనై అల్లుని తలుచుకు
ఆనందించెను అయ్యొకడె!

15 ఎప్పటియట్టుల సాయంత్రమున
ఏరిన పూవులు సరిగూర్చి
సంతోషంబున దురను కొలువను
ఒంటిగబోయెను పూర్ణమ

16 ఆవులు మొదవులు మందలుజేరెను
పిట్టలు చెట్లను గుమిగూడెన్
మింటలు చుక్కలు మెరయుచు డమెను
పూర్ణమ యింటికి రాదాయె!

17 కన్నుల కాంతులు కలవల జేరెను
మేలిమిజేరెను మేనిపసల్
హంసలజేరెను నడకల బెడగులు
దుర్గనుజేరెను పూర్ణమా
పుత్తడిబొమా ! పూర్ణమ్మ