ధమ్మే ధం ధం సన్నద్ధం
రంగం సర్వం సిద్ధం
ధమ్మే… ధర్మంగా అడుగేద్దాం
ధమ్మెంతో చూపేద్దాం… తలపడదాం

ధమ్మే… ధం ధం సన్నద్ధం
రంగం సర్వం సిద్ధం భయపడం
ఎలుగెత్తిన భాస్వర స్వరమే మనం
(ధమ్మే… ధర్మంగా అడుగేద్దాం
ధమ్మెంతో చూపేద్దాం)
ఇది భళ్ళున పెళ్లున పేలిన మౌనం

ఓ ఓ, ఎదురన్నది ఎవరైనా
ఎదిరిద్దాం తలవంచేదే
లేదని చెబుదాం
సయ్యంటు బరిలో దిగుదాం
తొలి గెలుపు జెండా ఎగురేద్దాం

జంకేదే లేదు
మహానేత వారసులు మనం
పౌరుషాల సీమ బిడ్డలం
గాయమైంది ఆత్మ గౌరవం
పెచ్చు మీరుతోంది పెత్తనం

కొంత వరకే ఓర్చుకోగలం
తెగించామో తేల్చుకోగలం
చాలు చాలు చాలు ఊడిగం
అణిచే హస్తం విరిచే వీరులమౌవుదాం

హే, అనివార్యం ధిక్కారం
అవసరమే ఈ సమరం

ఇది సూన్యం పెను సూన్యం
పరీక్షించెనే సమయం
తడబడకన్నది మనోనిశ్చయం
కొనసాగాలి సేవాకార్యం
ఆగిపోరాదుగా ఆశయం
జనమే ధైర్యం, జనమే సైన్యం

ఇక అంతరాయమే లేని
గమనమే గమ్యం

అనుమతులు పరిమితులు ఇక చెల్లే
ఏదైతే కాని పయనం కదిలే
సందేహమే లేదు అసలే
మన విజయం ఇక్కడి నుండి మొదలే

జంకేది లేదు
మహానేత వారసులు మనం
పౌరుషాల సీమ బిడ్డలం
గాయమైంది ఆత్మ గౌరవం
పెచ్చుమీరుతోంది పెత్తనం

కొంత వరకే ఓర్చుకోగలం
తెగించామో తేల్చుకోగలం
చాలు చాలు చాలు ఊడిగం
అణిచే హస్తం విరిచే వీరులమౌవుదాం