పల్లవి:
పున్నాగ తోటల్లొ సన్నాయి పాడింది..ఆ.. ఆ..
ఆ సన్నాయి పాటల్లో అమ్మాయి ఆడింది
గోదారి వరదల్లే ఉయ్యాలలూగింది
పున్నాగ తోటల్లొ సన్నాయి పాడింది..ఆ.. ఆ..

చరణం: 1
దేవుడి మాట.. కోవెల గంట.. దీవెనగా పలికింది
పండగ పూట పడుచుల పాట.. పల్లె పదంగా మిగిలింది
అనురాగాలే విను రాగాలై.. మమతల వేణువు పిలిచింది
పున్నాగ తోటల్లొ సన్నాయి పాడింది..ఆ.. ఆ..

చరణం: 2
రెప రెపలాడే రెప్పలలోనే రేపటి పొద్దులు మెరవాలి
నవనవలాడే నవ్వులలోనే వయసు వసంతలాడే
కన్నెతనంలో వెన్నెల కెరటం నేడే ఈడై ఎగసింది

పున్నాగ తోటల్లొ సన్నాయి పాడింది..ఆ.. ఆ..
ఆ సన్నాయి పాటల్లో అమ్మాయి ఆడింది

గోదారి వరదల్లే ఉయ్యాలలూగింది
పున్నాగ తోటల్లొ సన్నాయి పాడింది..ఆ.. ఆ..