రా రమ్మంది ఊరు
రయ్యింది హుషారు
రాగమందుకుంది
జ్ఞాపకాల జోరు

పచ్చనైన చేలు
పల్లె పరిసరాలు
ఎంతకాలమైనా
మరువలేదు నా పేరు

గట్టు పొలిమేరల్లో
మట్టి రాదారుల్లో
అట్టా అడుగు పెట్టగానే
పులకరింతలే

పైరు పంటల గాలి
గుండె తడమంగానే
మళ్ళీ పుట్టినట్టే
ప్రాణం ఊయలూగెనే

అమ్మ ఒడి కోరే చంటిపాపడిలా
నన్ను చేర పిలిచింది ఈ సీమ
కొమ్మా రెమ్మలుగా ఎంత ఎత్తున ఉన్నా
నా పేరు మూలమైనదీ చిరునామా

ఏల ఏల ఏలేలో
ఏల ఏల ఏలేలో
ఏల ఏల ఏలేలో
ఏలో ఏలో

ఇదిగో పెరిగిన ఇల్లు
నేను తిరిగిన వీధి
కన్నా..! క్షేమమేనా
అంటూ పలకరించెనే

అదిగో చదివిన స్కూలు
అది నే గెలిచిన గ్రౌండు
మరల నన్ను చూసి
నేడు పరవసించెనే

ఇక చాల్ చాలు ఈ దూరాలు
కలుసుకుందాం రండీ నేస్తాలు
గిల్లికజ్జాలు కొంటె సరదాలు
అన్నీ గుర్తు చేసుకుందాం
నాటి అనుభవాలు
ఓహో హో ఓ ఓ ఓఓ ఓఓ ఓ ఓ ఓ ఓ