నీ॥
రంగారు బంగారు చెంగావులు ధరించు
శృంగారవతి నారచీర లూనె
భూజనంబులు మెచ్చు భోజనంబు లొనర్చు
కమలాక్షి కందమూలములు నమలే
చంద్రకాంత విశాల చంద్రశాలల నుండు
జవ్వని ముని పర్ణశాల నుండె
మరులుతో శ్రీరాము నురముపైఁ బవళించు
బాలికామణి యొంటి పవ్వళించె
గన్ను సన్నల శుదాంతకాంత చ
రించు సేవలు మెచ్చని కాంచనాంగి
యొగ్గె మునిముగ్ద కాంతాకృతోపచార
విధికి, నెంచ నసాధ్యంబు విధికి గలదె.