వెచ్చని మట్టిలో నాటిన విత్తనం
ఊపిరందుకోదా చుక్క నీరు పట్టిన
రాతిరే కప్పిన దారులే తప్పిన
తెల్లవారనంద చీకటెంత కమ్మిన

తురుపింట మొదలైన కిరణాల వేడి
లోకమంత అందాలు అందించదా
దారిలోన ఎదురైన గ్రహణాలు వీడి
రంగులద్దుకుంటూ రాదా

చిగురాకు పిలిచింది రారమ్మని
నీలాకాశాన మేఘలని
అటు నుండి బదులేది రాలేదని
అలిగిందా ఆ ఆమని

జరిగింది గమనించి ఆ చల్లగాలి
జోలాలి పాడింది తన చెంత చేరి
చినబోయిన ఆ చిన్న ప్రాణానికి

వేకువింట మొదలైన కిరణాల వేడి
లోకమంత అందాలు అందించదా
దారిలోన ఎదురైన గ్రహణాలు వీడి
రంగులద్దుకుంటూ రాదా