ముద్దుల కూనల తీయని పిలుపే . .
లలల.. లాలలలా.. అహహహా.. అహహహా..
ముద్దుల కూనల తీయని పిలుపే . .
మదిలో మమతలె మంజుల రవళిగ..
మ్రోగును మోహనరాగం

బాల పాపల ఆటల పాటలె..
అమ్మకు కమ్మని గీతం
ఆకాశ వీధుల సాగే గువ్వలు..
తెచ్చే ప్రేమ సందేశం
తల్లీ పిల్లల హృదయ సంకేతం

ఎన్నో నోముల పంటలు పండి..
ముచ్చట గొలుపు సంతానం
ఎన్నో నోముల పంటలు పండి..
ముచ్చట గొలుపు సంతానం
ఆశాఫలముల రాశులు
ఎదలో చేసెను రాగసంచారం

శోభన జీవన దీపావళిలో..
పెరిగెను పావన తేజం
తనివే తీర తనయులజేర..
తల్లికి తరగని భాగ్యం
తల్లీ పిల్లల హృదయ సంకేతం..