పల్లవి:
సీతమ్మ సిగ్గు పడింది - సిగ్గుల్లో
సిరిమల్లె మొగ్గేసింది.
రాముని వలపులే తొలకరి చూపులై
తాకని తనువున సోకిన వేళ

చరణం: 1
కౌగిలినే కోవెల చేసి
మమతలనే మాలలు వేసి
అందాలన్నీ హారతులిచ్చి
పులకింతలతో పూజలు చేసి
ఏ వరాలు అడిగిందో ఆ జవరాలు
ఎవరికి తెలుసమ్మా ఆ వివరాలు

చరణం: 2
మల్లెలతో మంతనమాడి
జాబిలితో జాబులు పంపి
సిగ్గుల ముంగిట ముగ్గులు దాటి
వెచ్చని ఊపిరి వేణువులూది
ఏ శృతిలో పాడిందో ఈ అనురాగం
ఎవరికి తెలుస్మూ ఆ రామాయణం