గోవింద గోపాల గోదా ప్రియలోల
గోవింద గోపాల గోదా ప్రియలోల

ఆండాళ్ అమర తిరుప్పావై గీతము
పుష్పమాల ధరించి చేసిన తపము
చెలులందరకూ చూపె దివ్య మార్గము
గోదాదేవిని కీర్తించగను పుణ్య ఫలము
గోవింద గోపాల గోదా ప్రియలోల
గోవింద గోపాల గోదా ప్రియలోల

ధనుర్మాసపు పర్వదినములలో
నిద్రలేపె గోదా చెలియ గోపికలను
కలిసొచ్చి చన్నీట స్నానమాడితే
కర్మములన్నీ సమసి హరిని చేరుగా
గోదా మాటలు తిరుప్పావై పాటలు
రంగనాధుని మెడలో పూమాలలు

నందగోకులము కనరే విల్లుపుత్తూరున
కన్నెలందరు కన్నయ్యతోటి గోపికలు
ఆలమందలవిగో గోపాలునితో చనియె
వేణుగాన మాధురి వీనుల చేరగా
గోదా భక్తికి గోవిందుడు మురిసెగా
బృందావనమే ఇటకు తరలి వచ్చెగా