సూరీడు యెదమిటినాడు... నా
సొగసంత రవళించె నేడు...
వెలుగుల వల విసిరేసి....
తొలి వలపులు కాజేశాడు...

సుమబాల కనుగీటగానే... ఈ
సూరీడు యెద మీటినాడు...
కను... సైగలు చెలి విసిరాకే...
తను.. వెలుగుల వల విసిరాడు

ఎండా వెన్నెల రెండూ కాని
ఏదో తీయని గిలిగింత
ఉండీ లేని బిడియంలోనే
ఊహలకందని పులకింత
ఆ... గిలిగింత... ఈ... పులకింత
కలిపికూడితే.. జగమంత

అందీ అందని అందాలెన్నో
ముందుపోసినది ఈ ఉదయం
అంతేలేని ఆనందంలో
హరివిల్లైనది నా హృదయం ..
ఆ... హరివిల్లు... కురిసే జల్లు...
అనురాగానికి పుట్టిల్లు