శ్రీలక్ష్మీ జయలక్ష్మీ
సిరులను కురిపించే శ్రీలక్ష్మీ
కరుణించ రావే మహాలక్ష్మీ, మము - కరుణించ రావే మహాలక్ష్మీ
పాలకడలిలో ప్రభవించినావు - మురిపాల మాధవుని వరియించినావు
శ్రీపతి హృదయాన కొలువైతివమ్మా
నాపతి పాదాల నను నిలుపవమ్మా |

అన్ని జగాలకు మూలము నీవే ఆదిలక్ష్మివమ్మా
పాడిపంటలను ప్రసాదించు నవధాన్యలక్ష్మివమ్మా !
భీరులనైనా వీరులచేసే ధైర్యలక్ష్మివమ్మా !
జగతికి జయమును కలిగించే గజలక్ష్మివి నీవమ్మా !
వంశము నిలిపే పాపలనిడు సంతానలక్ష్మివమ్మా |
కార్యములన్నీ సఫలముచేసే విజయలక్ష్మివమ్మా !
జనులకు విద్యాబుద్ధులు నేర్పే విద్యాలక్ష్మివి నీవమ్మా |
సర్వసౌభాగ్య సంపదలిచ్చే భాగ్యలక్ష్మివి నీవమ్మా ।