భృంగి : శ్రీ మన్మహాదేవ దేవాదిదేవా
త్రిలోకాధినేతా : నమో ఆదిదేవా
నమోభ క్తపాలా ! నమ స్తే, నమస్తేః నమః :

శివుడు : ఔరా భృంగీ : నన్ను ప్రార్ధించిన
కారణంబేమిరా ?

భృంగి : హే స్వామిన్ : నేను మొన్న ములోకముల
కేగినపుడు, అచట దేవతలందరూ నన్ను చూచి,
మీ స్వామివారు సగము పురుషుడుగాను, సగము
స్త్రీగాను సంచరించుచున్నారట, నిజమా? అని
నన్నడగిరి ఇంతకూ, తాము స్త్రీయో పురుషుడో
నాకు కొంచెము సెలవిచ్చెదరా !

శివుడు : ఓహో ! అదియా నీ సందేహము, మీయమ్మ
గారిని ప్రార్ధించిన, నీ సంశయము తీర్చేనురా
డింగరీ :

భృంగి : హే జననీ జగన్మాతా !
ఆమ్మా రావమ్మా, రాజేశ్వరీ రావమ్మా
పరమేశ్వరి, కామేశ్వరి, భాగేశ్వరి
రాజేశ్వరి, కాదంబరి, హేమాంబరీ, నీలాంబరి,
కూచిపూడి భాగవత వినోదకరి ఓఅమ్మా రావమ్మా
రాజేశ్వరీ రావమ్మా

పార్వతి : భృంగి : నను తలచిన కారణంబేమిరా ?

భృంగి : అమ్మా : మీరు శివుని వామభాగమును, ఆక్ర
మించుటకు గల కారణమేమిటో విన కుతూహల
ముగా నున్నయది.

పార్వతి : అయితే వినుము. ఒకానొక సంధ్యా సమయ
మున, స్వామివారినిచేరి స్వామీ వివాహ కాల
మందు మీ శరీరములో సగభాగమి త్తునని ప్రమా
ణము చేసితిరి గదా, అమాట యిప్పుడు నిలుపు
కొమ్మని వేడితిని. స్వామివారు నా కోర్కెను
మన్నించి అర శరీరము నిచ్చుటచే వారి ఎడమ
భాగము నాక్రమించితిని.

భృంగి: అమ్మోయి సరే దీనికేమిగాని -
కం॥ ఓ యమ్మ నీ మగండొక
తో యజ ముఖి గంగ యనగ
రేయింబవలా సవతని
కాయజు సమరాన సతము
తోడ్కోని దెచ్చెన్
కలియుచు నుండెన్
సవతిని సతము కలియుచు ను డెన్

పార్వతి : ఏమేమీ : అదేమో వివరముగా చెప్పరా ?

బృంగి: వింటివా పార్వతి వింటివా !
బంగరు బొమ్మవలె తల్లీ పార్వతీ నీ వుండగా
గంగ మాంబను తెచ్చి శివుడు
పొంగి శిరమున బెటుకున్నా డెరుగవా
అయ్యో ఎరుగవా?

పార్వతి : గంగమాంబను తెచ్చినావని
బృంగినాతో బల్కినాడూ
మగనాలి పొందు తగదటంచును
ఇంగితము యింతైన ఎరుగవ దేమయా
శివుడు : నిండు వేసవికాలమున!
స్వామి, ఏమయా !
జలముండునో లేకుండునోయని
దండిగా నదిని దెచ్చి
జడలో దాచియుంచినాను. ఎరుగనే అన్యమెరుగ నే

పార్వతి : నదిని తెచ్చిన మాట యది నిజమనుచు
నేను నమ్మజాల
ఆందమైన కాంతమో మది కానుపించిన కారణంబే
తెలుపవా, స్వామి తెలుపవా ? :

శివుడు: కొంతయో మది కాదు చెలియా
కలువయే వికసించె నచట
చందమామ చెంతనిలచి -
అందముల నొలకించుచుండె
నమ్మవే, ముద్దుగుమ్మవే -

వ॥
ఔరా డింగరీ ! శంకర సతికి శంక వద లెనురా
సదా శివుడు సదా సాంబ శివుడేనురా !

భృంగి: సత్యం స్వామీ సత్యం
ఒక వంక మీసమ్ము - ఒక వంక హాసమ్ము
ఒక వంక నాగమ్ము - ఒక వంక పతకమ్ము
ఒక చేత శూలమ్ము - ఒక చేత పుష్పమ్ము
ప్రకటారనారికి మంగళం నిత్యమంగళం:
మంగళం: నిత్య మంగళం :