పల్లవి: 
సుందరి నేనే నువ్వంట చూడని నీలో నన్నంట 
కానుకే ఇచ్చా మనసంట జన్మకే తోడై నేనుంట 
గుండెలో నిండమంటా నీడగా పాడమంట 
నా సిరి నీవేనట

చరణం: 1 
అనుకున్న మాటలు సర్వం కరిగిపోతే న్యాయమా
మధురాల మధువులు చిందే చల్లని ప్రేమే మాయమా
రేపవలు నిద్దురలోన ఎద నీ తోడే కోరును 
యుద్దాన ఏమైనా నా ఆత్మే నిన్నే చేరును 
ఎద తెలుపు ఈ వేళ ఏల ఈ శోధన.. 
జాబిలిని నీవడుగు తెలుపు నా వేదన 
నాలో ప్రేమే మరిచావో ప్రేమే నన్నే గెలిచేనే

చరణం: 2 
పూవులే ముళ్ళై తోచు నీవే నన్ను వీడితే 
ఊహలే పూలై పూచు నీ ఎద మాటున చేరితే 
మాసాలు వారాలవును నీవు, నేను కుడితే 
వారాలు మాసాలవును బాటే మారి సాగితే 
పొంగునీ బంధాలే నీ దరి చేరితే 
గాయాలు ఆరేను నీ దరి చేరితే 
నీవే కదా నా ప్రాణం నీవే కదా నా లోకం