తదాస్తు స్వాముల కొలవండీ
అస్తీ నాస్తుల తెలియండీ
కనులు తెరిస్తే నేను ఆస్తి
కన్నులు మూస్తే నీవు నాస్తి

ఉన్నది లేదని వాదాలు
లేనిది ఉందని భేదాలు
వాదం భేదం భేదమె కాగా
వేదమె లేదని చెడకండి

గ్రాసం కోసమె వేషాలు
వేషంతోనే మోసాలు
వేషం మోసం దోసమె కాగా
శాస్త్రం తెలుసుకు బ్రతకండి

హరి ఓం, హరి ఓం, హరి ఓం, హరి ఓం

ఓంకారంలో ఒంకరలు
ఒంకర బుద్ధికి శంకలు
శంకలతోనే జంకులు
జంకులతోనే బొంకులు

పద్యం నెం. 2

పాడినది : మాధవపెద్ది సత్యం

శ్రీకర కాకా, కికీ కుకూ
కెకే కైకొ కోలు కౌ కం కఃలు
నీ కీర్తిని వర్ణింపగ నాకక్కర
వచ్చెనోయి నయముగ తిప్పా