కళ్లలో ఉన్నదేదో కన్నులకే తెలుసు
కళ్లలో ఉన్నదేదో కన్నులకే తెలుసు
రాళ్లలో ఉన్న నీరు క ళ్లకెలా తెలుసు
రాళ్లలో ఉన్న నీరు క ళ్లకెలా తెలుసు
నాలో ఉన్న మనసు నాకుగాక ఇంకెవరికి తెలుసు
కళ్లలో ఉన్నదేదో కన్నులకే తెలుసు
రాళ్లలో ఉన్న నీరు క ళ్లకెలా తెలుసు

చరణం: 1
నీటిలో ఆరే నిప్పును కానూ
నిప్పున కాగే నీరైన కానూ
ఏదీ కానీ నాలో రగిలే
ఏదీ కానీ నాలో రగిలే
ఈ అనలాన్నీ ఆర్పేదెవరో
నాలో ఉన్న మనసు నాకుగాక ఇంకెవరికి తెలుసు

చరణం: 2
తానే మంటై వెలుగిచ్చు దీపం
చెప్పదు తనలో చెలరేగు తాపం
నే వెళ్లు దారి ఓ ముళ్లదారి
నే వెళ్లు దారి ఓ ముళ్లదారి
రాలేరు ఎవరూ నాతో చేరి
నాలో ఉన్న మనసు నాకుగాక ఇంకెవరికి తెలుసు

చరణం: 3
వేసవిలోనూ వానలు రావా
కోవెల శిలకు జీవం రాదా
జరిగేనాడే జరుగును అన్నీ
జరిగేనాడే జరుగును అన్నీ
జరిగిననాడే తెలియును కొన్నీ
నాలో ఉన్న మనసు నాకుగాక ఇంకెవరికి తెలుసు
కళ్లలో ఉన్నదేదో కన్నులకే తెలుసు
రాళ్లలో ఉన్న నీరు క ళ్లకెలా తెలుసు
నాలో ఉన్న మనసు నాకుగాక ఇంకెవరికి తెలుసు