తీయ తీయని నవ్వే నువ్వు
తేనెలూరే పువ్వే నవ్వు
నన్ను కన్నతల్లివి నువ్వు
నా పున్నెము పండిన పంటవు నువ్వు

దేవతలిచ్చిన దీవెనలన్నీ
తెచ్చిన చల్లని పాపవు నువ్వు
తీరిపోని పూర్వజన్మబంధమేదో
తీసుకొచ్చి నింపినావు నా ఒడిలో

నింగిలోన తారకలన్నీ, నీ
కన్నులలో మెరిసినవీ
చందమామ చలువంతా నీ
నవ్వులలో నే యిమిడినది

నా యింటి దీపము నిలిపినావు
నా కంటి పాపవై వెలసినావు
కన్నతల్లి కలలకు కమ్మని రూపం
యిచ్చిన బంగారు బొమ్మవు నీవు