తేనెటీగ కుడుతుంటే తీపిగుంటదా
నువ్వు కన్ను కొడుతుంటే ఎన్నెలొస్తది - ఎన్నో వన్నెలి స్తది ॥

పూలజల్లు పడుతుంటే ఎల్లువొస్తదా
నువ్వు పక్కకొస్తుంటే పండగొస్తది - వయసే పంటకొస్తది

అయ్యారే వయ్యారమూగింది ఉయ్యాల
ఇయ్యాల నా వలపే నీ తలుపు తియ్యాల
ఏసిందిఈడు ఈలచేసింది గోల
నీజోడు కావాల నాతోడు రావాల

సందేళ నీసోకు జాబిల్లి కావాల
సీకట్లో నిసూపు పూలెట్టుకోవాల
నీ వేడి నాకు ఓడి సల్లారేవేళ
నీ వాడిసూపుల్లో తెల్లారిపోవాల

గోరింక తాకంగ నెలవంక నవ్వాల
గోరంత నీ ఎలుగు కొండంత కావాల
ఆ కంటికీ కన్ను కాటుకై పోవాల
నీసూపు నా సూపు సుట్టాలు కావాల
వానొచ్చి వరదల్లె నీవయసు పొంగాల
నేనొచ్చి వలపల్లె వాటేసుకోవాల నా
యెండకే నీవు ఎన్నెల్లు కాయాల
కౌగిట్లో నా బ్రతుకు కడతేరిపోవాల