అక్కడ లేను ఇక్కడ లేను ఎక్కడికక్కడ ఏమయ్యను
ఇప్పుడు లేను అప్పుడు లేను ఇప్పటికిప్పుడు ఏమయ్యను
ఎపుడు ఉండే చోట లేను ఎవరు లేని చోట లేను
ఇక్కడికిక్కడ ఇప్పటికిప్పుడు ఏమైపోతున్నాను
పారిపోతున్నా బంగారు లోకంలోకి వాలిపోతున్నా

నాలోనే నే లేనా నేనా ఇంకేవరోనా
నీ నడుములా నీ మనసులా కనిపించనంటున్నాన
నా పేరులా నా తీరులా వినిపించనంటున్నాన
నేనంటే నాకు పడక పారిపోతున్నా...

(నాలోనే )

చేసే పనిలో తికమక
ఎం చేస్తున్నానో తెలియక
నీ కోసం అన్ని తప్పుకుపోతున్నా...
నేనేదురైన తల తిప్పుకుపోతున్నా...
అరి కాళ్ళతో చిటికెలు వేసిన
అర చేతులతో నడిచేసినా
తలకిందుల తేడా తేలదు ఏమైనా...
నలుగురిలో నవ్వులపాలై పోతున్నా...
నా బాల్యం ఆయన ఇంతలా చిందేసాన
నా ప్రాణాన్నైన ఇంతలా ప్రేమించాన
ఏ మాట తేల్చలేక పారిపోతున్నా

(నాలోనే )

నలు దిక్కులనే కలిపినా
నా చిరునామా దొరుకునా
నువ్వెక్కడ ఉన్నా ఇట్టే కనుగొన్నా
నా జాడను మాత్రం జల్లెడ వేస్తున్నా
నీ పేరే పలికాననా
చీమకు కూడా చులకనా
నేనేమంటున్నా అర్ధం ప్రేమేనా
ఇక పైన లోనా స్వార్థం నువ్వేనా
నీకోసం చార్మినార్ లే ఏకం కావ
నువ్వుంటే ప్రేమసీదులే గుల్లై పోవా
ఈ వింతలు చూడలేక పారిపోతున్నా

(నాలోనే )