పల్లవి:
తొలిచూపు చూసింది హృదయాన్ని
మరుచూపు వేసింది బంధాన్ని
ప్రతి చూపు చెరిపింది మధ్య దూరాన్ని
ఇక పెళ్ళిచూపులే కలపాలి ఇద్దరిని

చరణం: 1
ఒక చూపు తూపులా గాయాన్ని చేసింది
వే రొక చూపు వెన్నెల మావులా మెరిసింది
ఒక చూపు చిలిపిగా గిలిగింతలు పెట్టింది
నే రాక చూపు నిలువునా గెలుచుకొని వెళ్ళింది

చరణం: 2
చూపు లున్నందుకు చూసుకోవాలి
చూచుకున్నది తనది చేసుకోవాలి
వలపు మొలకెత్తేది ఒక చూపులోనే
మనసు మనసయ్యేది ఆ చూపుతోనే

చరణం: 3
ఈడు జోడుగ మనమిద్దరం వెళుతుంటే
ఎన్నెన్ని చూపులో ఈసుతో చూస్తాయి
తోడు నీడగ మన మేకమైనామంటే
దేవతల చూపులే దీవెనలు అవుతాయి