ఓ...
ఉన్నది చెపుతా వింటారా
నేనన్నది ఔనని అంటారా
తండ్రులకోసం త్యాగం చేసిన
తనయు లెందరో ఉన్నారని నే

తండ్రిబాస కాపాడి - తనరాచ గద్దె విడనాడి
నారచీరలను దాల్చి కానలకు
తరలిపోయెనా దశరధరాముడు

తండ్రివలపు చెల్లించి పినతల్లి కోర్కెపాటించి
బ్రతుకు సాంతముగ బ్రహ్మచర్యమును
వ్రతముగ బూనెను భీష్మాచార్యుడు.

తండ్రి ఆశ గమనించి అతని తలంపు మన్నించి
మిసిమి యౌవనము ధారవోసి - తా
ముసలి తనమ్మును గైకొనె పూరుడు